| 1 | Et per Malachiam, quia crucifigendus erat, ita praemisit idem de semetipso Dominus, dicens: Si affiget, inquit, homo Deum, quia vos configitis me, et dixistis: In quo confiximus te (Malach. III, 8)? Et subiecit Deus post haec illis: Me vos configitis gens tota, quod pertinet ad mysterium dominicae passionis, in qua Iudaei Christum crucifixerunt, quando sceleratas manus iniecerunt in eum. |