| 1 | Quia ligno crucis suspensus est, atque suffixus, Ieremias propheta ex persona Christi praedixerat, dicens: Ego, quasi agnus mansuetus, qui portatur ad victimam, et non cognovi, quia super me cogitaverunt consilia, dicentes: Mittamus lignum in panem eius, et eradamus eum de terra viventium. |
| 2 | Haec enim quae passurus erat Dominus a Iudaeis, quasi si iam facta fuissent, propheta commendat. |