| 1 | Nam quia dum pateretur, tacuisse scribitur, hoc prophetarum voces testantur. |
| 2 | Isaias enim sic de illo ait: Tanquam ovis ad occisionem ductus est, et sicut agnus coram tondente se, sic non aperuit os suum (Isai. LIII, 7). |
| 3 | Hic enim in passione Pilato interroganti nihil locutus est; sed in humilitate iudicium eius sublatum est; de quo et ipse alibi: Non clamabit, nec audiet quis in plateis vocem eius (Isai. XLII, 2). |