| 1 | Praediximus nativitatem Domini nostri ex Virgine, locum quoque originis suae ostendamus. |
| 2 | Nam in Bethlehem natus est, ad quam dicitur per Michaeam prophetam: Et tu, Bethlehem, domus Ephrata, nunquid parvula es in millibus Iuda? ex te mihi egredietur qui sit dominator in Israel, et egressus eius a diebus aeternitatis. |
| 3 | Propter hoc dabit eos usque ad tempus in quo parturiens pariet (Mich. V, 2). |