Isidorus, De fide Catholica, 1, 10, 1.
| 1 | Hactenus de nomine, et gente, et genere Domini nostri Iesu Christi Testamenti Veteris fidem perstrinximus: dehinc generationes eius secundum carnem de Virgine ostendamus. |
| 2 | Isaias enim sancto Spiritu plenus futurae incarnationis Filii Dei sic praenuntiat sacramentum, sic enim dicit: Et adiecit loqui ad Achaz Dominus, dicens: Pete tibi signum a Domino Deo tuo in profundum inferni, sive in excelsum supra (Isai. VII, 10). |
| 3 | Et subiecit: Audite itaque, domus David, id est, genus David. |