Isidorus, De fide Catholica, 1, 9, 12.
| 1 | Hic locus in Hebraeo sic habet: Et erit requies eius gloriosa. |
| 2 | Utique quia moriens caro eius non vidit corruptionem secundum Psalmi sententiam: Quia non derelinques animam meam in inferno, nec dabis sanctum tuum videre corruptionem (Psal. XV, 10). |
| 3 | Iam vero quia ore prophetico de Moab nascenti Christo perhibetur testimonium, idem Isaias testatur: Ponam enim super his qui fugerint de Moab leonem, et reliquis terrae. |
| 4 | Emitte agnum, Domine, dominatorem terrae de petra deserti ad montem filiae Sion (Isai. XV, 9; XVI, 1). |