| 1 | Ergo quis est iste cuius domus est fidelis in perpetuum, et qui post mortem David promittitur suscitandus? Ille utique est de quo ipse David exaestuans clamat, dicens in Psalmo octogesimo octavo: Tu vero distulisti Christum tuum (Psal. LXXXVIII, 39). |
| 2 | Non est ergo ille Salomon, sed nec iste David dilatus est Christus. |
| 3 | Ecce apparuerunt promissiones praedictae, non in Salomone, sed in Christo Domino nostro, qui ex David genere ortus est, fuisse completae. |