| 1 | Ideo enim vir ille huius sacramenti imaginem suscepit, ut Iesus nominaretur, ad significandum illum verum Iesum, de quo in Psalmis scriptum est: Venite, exsultemus Domino, iubilemus Deo salutari (Psal. CXLIX, 4), id est, Iesu patri nostro. |
| 2 | Ubi ostenditur Dominum et Deum esse Iesum, de quo et alibi in Psalmis: Quia placet sibi Dominus in populo suo, et exaltabit mansuetos in Iesu. |
| 3 | Haec enim in Hebraeo sic habentur. |
| 4 | De quo apertius Habacuc intonat dicens: Ego gaudebo in Domino, et exsultabo in Deo Iesu meo (Habac. III, 18). |