| 1 | Haec est causa nativitatis Christi, quem Iudaei, etsi patiantur natum, scandalizantur tamen crucifixum et mortuum: non intelligentes quia sicut propter redemptionem mundi illum decuit nasci, ita et pati oportuit, cuius passionem et mortem in suo loco Scripturarum testimoniis approbabimus. |
| 2 | Nunc vero sequamur debitum ordinem, et cuius demonstrata est post gloriam deitatis humana nativitas, demonstretur et genus, et patria incipientes primum de nomine eius loqui. |