Isidorus, De fide Catholica, 1, 5, 7.
| 1 | Hebdomada namque in sacris eloquiis septem annis terminatur, dicente Domino ad Moysen: Numerabis tibi septem hebdomadas annorum (Levit. XXV, 8), id est septies septem, qui simul faciunt annos quadraginta novem. |
| 2 | Similiter septies septuaginta fiunt quadriginti nonaginta. |
| 3 | Ideo tot annos fuisse credendum est a Daniele usque ad Christum. |
| 4 | A tempore itaque Danielis prophetae usque ad praesens tempus plus quam centum quadraginta hebdomadae enumerantur. |
| 5 | Ideoque iam advenit Christus, quem annuntiabat sermo propheticus. |