| 1 | Item si Christus Dominus non est, de quo dixit David in psalmo: Dixit Dominus Domino meo: Sede a dextris meis, donec ponam inimicos tuos scabellum pedum tuorum (Psal. CIX, 1)? Qui dum idem Christus secundum carnem sit filius David, in spiritu tamen Dominus eius, et Deus est. |
| 2 | Si Christus Dominus non est, de quo ait David in libris Regum: Dixit vir, cui constitutum est de Christo Dei Iacob, egregius psalmista Israel: Spiritus Domini locutus est per me, et sermo eius per linguam meam (II Reg. XXIII, 1)? |