| 1 | Tali igitur auctoritate ante omnia saecula Fiius a Patre genitus esse declaratur, quando a Patre per illum cuncta creata esse noscuntur. |
| 2 | Illud denuo quaeritur, quomodo idem sit genitus, dum sacrae nativitatis eius arcana nec Apostolus dicit, nec propheta comperit, nec angelus scivit, nec creatura cognovit, Isaia testante, qui dicit: Generationem eius quis enarrabit (Isai. LIII, 8)? Idcirco si eius nativitas a propheta non potuit enarrari, quis profitebitur nosse quomodo Filius potuit a Patre generari? |