Isidorus, De ecclesiasticis officiis, 2, 20, 13.
| 1 | Exemplo continentiae docenda est uxor a viro, ut se caste gerat. |
| 2 | Iniquum est enim ut id exigas quod praestare non possis; caput est enim mulieris vir; ubi autem melius vivit mulier quam vir, capite deorsum pendet domus. |
| 3 | Ideoque praecedere debet vir in omnibus bonis factis uxorem suam, quia caput est, ut illa imitetur virum, et sequatur vere, ut corpus caput suum, sicut Ecclesia sequitur Christum. |
| 4 | Hortatur Apostolus coniuges ut propter orationem abstineant, atque ex consensu tempora sanctificationis observent, et sine impedimento carnali orationibus vacent (I Cor. VII). |
| 5 | Nam et in Veteri Testamento ante sanctificati sunt omnes a mulieribus, et sic descendenti Deo in monte assistere meruerunt (Exod. XIX). |