| 1 | Antiqui, pridie quam cantandum erat, cibis abstinebant, psallentes tamen, legumine causa vocis assidue utebantur. |
| 2 | Unde et cantores apud gentiles fabarii dicti sunt. |
| 3 | Veteres, lamina pectori imposita, sub ea cantica exclamantes alendis vocibus rationem demonstravere. |
| 4 | Solent autem ad hoc officium etiam absque scientia episcopi, sola iussione presbyteri, eligi quique quos in cantandi arte probabiles esse constiterit. |