| 1 | Psalmistarum, id est, cantorum principes, vel auctores, David, sive Asaph exstiterunt. |
| 2 | Isti enim post Moysen psalmos primi composuerunt et cantaverunt. |
| 3 | Mortuo autem Asaph, filii eius in ordinem subrogati sunt a David, erantque psalmistae per successionem generis, sicut et ordo sacerdotalis; ipsique soli continuis diebus in templo canebant, candidis induti stolis, ad vocem unius respondente choro. |