Isidorus, De ecclesiasticis officiis, 1, 45, 1.
| 1 | Carnes autem et vinum post diluvium hominibus in usum concessa sunt: nam ab initio permissum non fuerat, nisi tantum illud, ut scriptum est: Lignum fructiferum et herbam seminalem dedi vobis in escam (Gen. I). |
| 2 | Postea vero per Noe data sunt in esum cuncta animalia, vinique tunc attributa licentia est (Gen. IX). |
| 3 | Sed postquam Christus, qui est principium et finis, apparuit, hoc quod in principio suspenderat etiam in temporum fine retraxit, loquens per Apostolum suum: Bonum est non manducare carnem, et non bibere vinum. |
| 4 | Et iterum: Qui infirmus est, olera manducet (Rom. XIV). |