Isidorus, De ecclesiasticis officiis, 1, 25, 1.
| 1 | Sabbatum autem datum est priori populo in otio corporaliter celebrandum, ut figura esset in requiem, unde et Sabbatum requies interpretatur. |
| 2 | Dies tamen Dominicus non Iudaeis, sed Christianis per resurrectionem Domini declaratus est, et ex illo habere coepit festivitatem suam. |
| 3 | Ipse est enim dies primus, qui post septimum reperitur octavus. |
| 4 | Unde et in Ecclesiaste ad duorum Testamentorum significationem dicitur, illi septem, et illi octo (Eccl. XI). |