Isidorus, De ecclesiasticis officiis, 1, 22, 1.
| 1 | Antiqua est vigiliarum devotio, familiare bonum omnibus sanctis. |
| 2 | Isaias denique propheta clamabat ad Dominum, dicens: De nocte vigilat spiritus meus ad te, Deus, quia lux praecepta tua sunt super terram (Isai. XXVI, 9). |
| 3 | Item David, et regio, et prophetico sanctificatus unguento, ita canit: Media nocte surgebam ad confitendum tibi super iudicia iustitiae tuae (Psal. CXVIII, 62). |
| 4 | Hoc namque tempore vastator angelus transiens, primogenita Aegyptiorum percussit (Exod. XII). |