| 1 | Coniugatis autem abstinendum est coitu, plurimisque diebus orationi debent vacare, et sic deinde ad Christi corpus accedere. |
| 2 | Relegamus Regum libros, et inveniemus sacerdotem Abimelech de panibus propositionis noluisse prius dare David, et pueris eius, nisi ante interrogaret utrum mundi essent pueri a mulieribus, non utique ab alienis, sed a coniugibus propriis, et nisi eos audisset ab heri et nudius tertius vacasse ab opere coniugali, nequaquam panes quos prius negaverat concessisset (I Reg. XXI). |