Isidorus, De ecclesiasticis officiis, 1, 12, 11.
| 1 | In Novo autem Testamento quatuor libros Evangeliorum quatuor evangelistae singulos scripserunt, quorum solus Matthaeus Hebraeo scripsisse perhibetur eloquio, caeteri Graeco. |
| 2 | Paulus apostolus suas scripsit Epistolas, ex quibus novem septem Ecclesiis destinavit, reliquas discipulis suis misit, Timotheo, Tito et Philemoni. |
| 3 | Ad Hebraeos autem Epistolam plerisque Latinis eius esse incertum est propter dissonantiam sermonis. |
| 4 | Eamdemque alii Barnabam conscripsisse, alii a Clemente scriptam fuisse suspicantur. |