| 1 | Veteris autem Testamenti secundum Hebraeorum traditionem hi scriptores habentur: primus Moyses scripsit Pentateuchum, Iesus Nave edidit librum suum, Iudicum autem et Ruth, et Samuelis primam partem conscripsit Samuel; sequentia Samuelis usque ad calcem scripsit David. |
| 2 | Malachim autem in commune totum edidit Ieremias. |
| 3 | Nam antea sparsus erat per singulorum regum historias. |
| 4 | Iob librum Hebraei Moysen scripsisse putant, alii unum ex prophetis. |