Isidorus, Chronicon, 6, 84.
| 1 | [5419] Aurelius Antoninus regnat annis IV. Hic dum obscenissime viveret, et ipse tumultu militari interemptus est. |
| 2 | Cuius temporibus sexta editio inventa est Nicopoli; Sabellius haeresiarcha oritur. |
| 3 | 85. [5432] Alexander regnat annis XIII. Hic Persas gloriosissime vicit; civibus favorabilis fuit. |
| 4 | Huius temporibus Origenes Alexandriae claruit, et Romae Ulpianus insignis iurisperitus. |
| 5 | 86. [5435] Maximinus regnat annis III. Iste primus ex militari corpore, absque decreto senatus, imperator efficitur, et Christianos persequitur. |
| 6 | 87. [5441] Gordianus regnat annis VI. Hic rebellantes Parthos et Persas afflixit. |
| 7 | Rediens victor de Persis fraude suorum interiit. |
| 8 | Huius temporibus Zephyrinus, testimonio Spiritus sancti in specie columbae super caput eius descendentis, Romae episcopus ordinatur. |
| 9 | 88. [5448] Philippus regnat annis VII. Iste primus inter imperatores credidit Christo. |
| 10 | Huius etiam primo anno millesimus annus Romanae urbis fuisse docetur expletus. |
| 11 | 89. [5449] Decius regnat anno I. Huius temporibus sanctus Antonius monachus in Aegypto docetur exortus, a quo primum monasteria condita sunt. |
| 12 | 90. [5451] Gallus, et Volusianus eius filius, regnant annis II. Novatus, Cypriani Episcopi presbytes, Romam veniens, Novatianam haeresin condidit. |