Isidorus, Chronicon, 4, 40.
| 1 | [4599] Ioachim regnat annos XI. Huius tertio anno Nabuchodonosor Iudaeam captam tributariam fecit. |
| 2 | Tunc Daniel, Ananias, Azarias et Misael in Babylone claruerunt. |
| 3 | [4610] Sedechias regnat annos XI. Hunc rex Babylonis, secundo veniens ad Ierusalem, cum populo captivum duxit, templo incenso, anno aedificationis suae CCCCLIV. Per idem tempus Sappho mulier in Graecia diverso poemate claruit. |
| 4 | Solon leges Atheniensibus dedit. |