Isidorus, Chronicon, 4, . . .
| 1 | 29. [4165] David regnat annos XL. Codrus, Atheniensium rex, sponte se pro salute patriae hostibus offerens interimitur. |
| 2 | Et Carthago a Didone aedificatur, prophetantibus in Iudaea Gath, Nathan et Asapaht. |
| 3 | 30. [4205] Salomon regnat annos XL. Iste quarto regni sui anno templum Ierosolymis aedificavit, consummavitque anno octavo. |
| 4 | 31. [4222] Roboam regnat annos XVII. Regnum Israel a Iuda dividitur, sub quo decem tribus a duabus separatae sunt, et reges in Samaria habere coeperunt. |
| 5 | Hac aetate Samos conditur, et sibylla Erythraea illustris habetur. |
| 6 | 32. [4225] Abia regnat annos III. Sub quo Hebraeorum pontifex maximus Abimelech insignis est habitus. |
| 7 | [4266] Asa regnat annos XLI Prophetabant in Iudaea Achias, Amos, Iehu, Ioel, et Azarias, [4291] Iosaphat regnat annos XXV. Prophetabant Elias, et Eliseus, et Abdias, Azarias, et Michaeas. |
| 8 | [4299] Ioram regnat annos VIII. Prophetabant Elias, et Eliseus, et Abdias. |
| 9 | [4300] Ochozias regnat annum I. Elias rapitur, cuius septem insignia miracula numerantur. |
| 10 | 33. [4307] Athalia regnat annos VII. Ionadab, filius Rechab, sacerdos clarus habetur, etc. |
| 11 | Ioiada pontifex, qui solus, post Moysen, vixisse annos centum triginta perhibetur. |
| 12 | [4347] Ioas regnat annos XL. Zacharias propheta interficitur. |
| 13 | Eliseus moritur, cuius virtutes quatuordecim praedicantur. |
| 14 | Lycurgusque legislator apud Graeciam insignis habetur. |
| 15 | [4376] Amasias regnat annos XXIX. Carthaginem hoc tempore quidam asserunt conditam, alii vero superius. |
| 16 | 34. [4428] Azarias annos LII. Olympias primum Graecis instituitur. |
| 17 | Agnus in Graecia loquitur. |
| 18 | Sardanapalus rex sponte incendio concrematur. |
| 19 | Assyriorumque regnum in Medos transfertur. |
| 20 | Tunc Hesiodus poeta claruit. |
| 21 | Atque Phidon Argivus mensuras et pondera reperit. |
| 22 | Osee, Amos, Isaias, et Iona, in Iudaea hac aetate prophetantibus. |
| 23 | 35. [4444] Ioathan regnat annos XVI. Remus Romutusque nascuntur, prophetantibus in Iudaea Osee, Ioel, Isaia, et Michaea. |
| 24 | [4460] Achaz regnat annos XVI. Cuius temporibus Romulus Romam condidit. |
| 25 | Et Sennacherib Assyriorum rex, decem tribus ex Samaria in Medos transtulit, atque in Iudaeam Samaritas accolas misit. |
| 26 | 36. [4489] Ezechias regnat annos XXIX. Sub quo prophetabant Isaias et Osee. |
| 27 | Hoc tempore Romulus primus milites ex populo sumpsit, centumque a populo nobilissimos viros elegit, qui ob aetatem senatores, ob curam ac sollicitudinem reipublicae patres vocati sunt. |
| 28 | 37. [4549] Manasses regnat annos LV. Per idem tempus Romanis praefuit Numa Pompilius, qui primus apud Romanos pontifices et virgines vestales instituit, falsorumque deorum numerositate civitatem implevit. |
| 29 | Duos menses in annum Romanis ad decem menses adiecit; Ianuarium diis superis, Februarium diis inferis dedicavit. |
| 30 | Tunc quoque sibylla Samia claruit. |
| 31 | 38. [4556] Ammon regnat annos XII. Huius temporibus Tullus Hostilius, Romanorum rex, prior in republica censum egit; quod adhuc per orbem terrarum incognitum erat, primusque purpura et fascibus usus est. |
| 32 | 39. [4588] Iosias regnat annos XXXII. Thales Milesius philosophus physicus claruit, qui, defectibus solis acutissima perscrutatione comprehensis, astrologiae numerum primus investigavit, prophetantibus in Iudaea Ieremia, Olda et Sophonia. |