Isidorus, Chronicon, 3, 23.
| 1 | [3959] Abimelech, annos III. Iste septuaginta fratres suos interfecit. |
| 2 | Hercules Ilium vastavit, et in Libya Antheum palaestricae artis inventorem interemit. |
| 3 | 24. [3982] Thola, annos XXIII. Huius temporibus in Troia, post Laomedonta, regnavit Priamus. |
| 4 | Tunc fabula ficta est de Minautoro bestia labyrintho inclusa. |
| 5 | 25. [4004] Iair, annos XXII. Per idem tempus Hercules agonem olympicum instituit. |
| 6 | Carmentis nympha Latinas litteras reperit. |
| 7 | 26. [4010] Iephte, annos VI. Huius tempore Hercules, quinquagesimum secundum annum agens, ob morbi dolorem sese flammis iniecit. |
| 8 | Per idem tempus Alexander Helenam rapuit, Troianumque bellum decennale surrexit. |
| 9 | [4017] Abesan, annos VII. Amazones primum arma sumpserunt. |
| 10 | [4025] Abdon, annos VIII. Huius anno tertio Troia capta est, et Aeneas Italiam venit. |
| 11 | 27. [4045] Sampson, annos XX. Ascanius Aeneae filius Albam condidit. |
| 12 | Ulyssis quoque fabulae, sive Syrenarum, eodem tempore fictae sunt. |
| 13 | 28. [4085] Heli sacerdos annos XL. Arca Testamenti ab alienigenis capitur. |
| 14 | Regnum Sicyoniorum finitur. |
| 15 | [4125] Samuel et Saul, annos XL. Lacedaemoniorum regnum exoritur. |
| 16 | Atque in Graecia Homerus primus poeta fuisse putatur. |
| 17 | A promissione Abrahae usque ad David anni DCCCCXL. Finitur tertia aetas per annos IIIIMCXXV. |