| 1 | Domino papae ADRIANO. |
| 2 | Ex mandato apostolicae sedis lator horum Berengarius in nostra praesentia stetit adversus Rogerium de Pichewurda acturus, et post multas utriusque partis allegationes inter eos compositum fuit. Sed ne processu temporis alter adversus alterum suscitandi litem ullam posset habere occasionem, compositionem inter eos factam fidei religione iuramento fecimus roborari. |
| 3 | Porro praefatus Rogerius nihilominus, contra pactionem illam veniens et fidei religionem, compositioni stare noluit, de quo in nostra convictus praesentia, suspensionis poenam reportavit, quam postea per satisfactionem congruam, quam se praestiturum promittebat . . . . . evadens, iterum tergiversari coepit, et ut manus nostras evaderet, ad vestram appellavit praesentiam, diem praefigens Dominicam, qua cantatur: Laetare, Ierusalem. |
| 4 | Ne vestram itaque possit circumvenire clementiam, cum manifestissime contra fidem venisse et iuramentum, pro certo sciat eminentia vestrae sanctitatis. |