Ioannes Saresberiensis, Entheticus, CLXVIII Quod locus vitia non excludit.
| 1 | Plena supercilio si turba repellit, abito |
| 2 | Et contemptores spernere disce tuos. |
| 3 | Nec tibi sit curae, si contemnaris ab illis, |
| 4 | Quos captos mundi retia vana tenent. |
| 5 | In claustro capitur, quem torquet amor vitiorum, |
| 6 | Nam paries claustri pervius exstat iis, |
| 7 | Irrumpunt arces, nullamque resistere posse, |
| 8 | Si semel insurgant grandia, scito seram. |
| 9 | Non adamas obstat vitiis, non ferreus agger, |
| 10 | Non aqua, non fossae, sed nec iniqua palus. |