| 1 | Quem vitare nequis, studeas placare Carinum, |
| 2 | Cuius ab arbitrio sors tua saepe venit. |
| 3 | Illi paucorum satis est meruisse favorem, |
| 4 | In quorum ventres lauta culina ruit, |
| 5 | Quorum cura penum solet evacuare bibendo, |
| 6 | Et bona marsupiis publica tecta latent. |
| 7 | Hi metuunt sumptus faciemque viantis amici, |
| 8 | Nam meretrix illis plus peregrina placet. |
| 9 | Ergo quid exspectas, ut sit tibi commodus hospes, |
| 10 | Cui, nisi colludat, nulla puella placet? |