Ioannes Saresberiensis, Entheticus, CXLII Quod multi successus ausum dederunt errori.
| 1 | Ebria fortunae donis nova curia, rege |
| 2 | Sub puero credit cuncta licere sibi. |
| 3 | Insanire putes aeque iuvenesque senesque, |
| 4 | Insanit iudex officiumque suum. |
| 5 | Curia nugaces solos amat, audit, honorat, |
| 6 | Artes exosas aulicus omnis habet, |
| 7 | Artes virtuti famulantes aulicus odit, |
| 8 | Sed famulas carnis aulicus omnis amat. |
| 9 | Hos aulae mores funambulus intulit ille, |
| 10 | Qui, quod praesumit, lege tuetur avi. |
| 11 | Qui sapiunt nugas et crimina, lege vocantur, |
| 12 | Qui recte sapiunt, lex iubet ire foras. |