Ioannes Saresberiensis, Entheticus, CXXVIII Quod virtus eloquentiae praefertur.
| 1 | Quem magis evexit virtus, superat Ciceronem, |
| 2 | Datque locum vitae lingua perita loqui: |
| 3 | Nam quamvis linguam formet, componet et actus, |
| 4 | Vivere praecipue philosophia docet. |
| 5 | Vivere sincere pars optima philosophandi est, |
| 6 | Qua sine quid prodest lingua diserta? nihil! |
| 7 | Namque diserta nocet, si sit deserta superno |
| 8 | Munere, prudentes quod facit esse viros. |
| 9 | Sed quantum prosit sapiens facundia, lingua, |
| 10 | Sit licet insignis, dicere nulla potest. |