Ioannes Saresberiensis, Entheticus, CXXI Quod Romani Graecos imitantur in verborum
| 1 | temperamento. |
| 2 | Hunc morem sequitur civis Romanus, amicis |
| 3 | Verba dat, argentum sumit avara manus. |
| 4 | Distrahit ad pensum iudex adverbia cautus, |
| 5 | Nam pretium maius utiliora dabit. |
| 6 | Adiectiva suis pretiis aequata dabuntur |
| 7 | Chartula vel calamus rarus inemptus erit. |
| 8 | Captat opes Crassus, ut eas convertat in aurum, |
| 9 | Et recoquit purum, possit ut esse putum. |
| 10 | Urbs vitiis corrupta suis corrupit et orbem, |
| 11 | Et caput aegrotum languida membra facit. |
| 12 | Curia nam quaevis Graecos imitatur, et urbis |
| 13 | Esuriem sensit orbis, amator opum. |