Ioannes Saresberiensis, Entheticus, CXIV Quod in pluribus utilis doctrina Platonis.
| 1 | Non nocet errantem cautis audisse Platonem, |
| 2 | Qui male pauca docet et bona plura malis. |
| 3 | Docta manus cavet urticas herbasque salubres |
| 4 | Tollit et a spinis intemerata rosas. |
| 5 | Errores vitat ratio, sensusque pudicos |
| 6 | Cautus ab insanis absque furore capit. |
| 7 | Fortius evitat audita pericula prudens, |
| 8 | Nam provisa minus tela nocere solent. |
| 9 | Hinc sapiens audire cupit, quaecunque nocere |
| 10 | Possunt, ut caveat, quidquid obesse potest. |