Ioannes Saresberiensis, Entheticus, CXII Quod Deus solus omnia novit, et omnis rationalis
| 1 | creatura scientiam accipit ad mensuram. |
| 2 | Res ut sunt, plene novit divina potestas, |
| 3 | Angelus assistens plurima vera videt. |
| 4 | Spiritus immundus natura pollet et usu, |
| 5 | Doctus et a sanctis plura videre solet. |
| 6 | Fallitur in multis privatus luminis usu |
| 7 | Et pater erroris fallere semper amat |
| 8 | Corpora detrusas animas in carcere caeco |
| 9 | Culpaque sublato lumine scire vetant. |
| 10 | Culpa caro tenebras inducunt, lumina pellunt |
| 11 | Nec miseras animas cernere vera sinunt. |