Ioannes Saresberiensis, Entheticus, LXXXVII Quod negligentia parvorum magna vitia generat.
| 1 | Si modicum spernis, paulatim magna sequentur, |
| 2 | Et venit a minimis saepe ruina gravis. |
| 3 | Gloria nobilium manans de fonte bonorum |
| 4 | Praetendit generis nobilitate decus. |
| 5 | Nam cum fermento virtus corrupta tumescit, |
| 6 | De misero coitu nata superba venit. |
| 7 | Haec paribus sese praefert spernitque minores, |
| 8 | Nescit et auctori stulta subesse suo. |
| 9 | Et sic de meritis veniens aut sanguine claro |
| 10 | Est ingrata Deo, munera cuius habet. |