| 1 | Sed tamen erravit, dum sublunaria casu |
| 2 | Credidit et fatis ulteriora geri. |
| 3 | Non est arbitrii libertas vera creatis, |
| 4 | Quam solum plene dicit habere Deum. |
| 5 | Quidquid luna premit, de quattuor est elementis, |
| 6 | Et quae transcendunt, simpliciora putat. |
| 7 | Illaque perpetua definit pace vigere, |
| 8 | Quae supra solem circulus altus habet. |
| 9 | Non ibi committunt aliquod contraria bellum, |
| 10 | Nam tranquilla quies ulteriora fovet. |