| 1 | Magnus Aristoteles sermonum possidet artes |
| 2 | Et de virtutum culmine nomen habet. |
| 3 | Iudicii libros componit et inveniendi |
| 4 | Vera, facultates tres famulantur ei: |
| 5 | Physicus est moresque docet, sed logica servit |
| 6 | Auctori semper officiosa suo. |
| 7 | Haec illi nomen proprium facit esse, quod olim |
| 8 | Donat amatori sacra Sophia suo; |
| 9 | Nam qui praecellit, tituli communis honorem |
| 10 | Vindicat, hoc fertur iure poeta Maro. |