Ioannes Saresberiensis, Entheticus, LXI Amor mundanus contrarius est amori Dei.
| 1 | Nullus amare Deum mundumque potest, quia semper |
| 2 | Unius adventu pellitur alter amor. |
| 3 | Nullus amatorum mundi nomen sapientis |
| 4 | Possidet, oppositus est amor iste Deo. |
| 5 | Qui mundum spernit, illi dominatur et hostis |
| 6 | Debilitat vires et pede colla premit. |
| 7 | Spes, dolor, ira, metus et honorum caeca cupido, |
| 8 | Gaudia, damna, lucrum sunt velut aura levis. |
| 9 | Mundus pressuram tribuit, sapientia pacem, |
| 10 | Et mala cuncta fugat et bona quaeque fovet. |