| 1 | Praecedit ratio rerum quarumlibet ortum, |
| 2 | Et natas eadem provehit atque movet: |
| 3 | Haec eadem finem praestat rebus perituris, |
| 4 | Et motus omnes optima causa regit. |
| 5 | At causas inter quae praecedit, dominatur |
| 6 | Et vires omnes inferioris habet. |
| 7 | Non tamen inferior dominantis iure potitur, |
| 8 | Ast aequis illi passibus ire potest. |
| 9 | Hoc Scriptura docet, iubet hoc natura creatrix, |
| 10 | Ut cedant superis inferiora suis. |