Ioannes Saresberiensis, Entheticus, XLI De pugna laboris et quietis.
| 1 | Sed labor et requies ineunt in corpore bellum. |
| 2 | Angit hic, illa fovet, hic fugit, illa manet: |
| 3 | Ut multum duret bellum, cum tempore cessat, |
| 4 | Sed finem pacis tempora nulla dabunt. |
| 5 | Vera quies aderit tunc, cum caro subdita menti |
| 6 | Morte triumphata spiritualis erit, |
| 7 | Et caro nil recipit, nisi quod ratione probatur, |
| 8 | Et mentem puram firmat agitque Deus. |
| 9 | Unitur menti caro subdita, mensque beatur |
| 10 | Plena Deo; finem non habet ista quies. |