Ioannes Saresberiensis, Entheticus, XXXIX Quae inconvenientia sequantur fatalem necessitatem.
| 1 | Libertas perit arbitrii, si fata coactis, |
| 2 | Obsequiis, mentes, ora manusque movent. |
| 3 | Praemia pro meritis nulli debentur, in ipsum |
| 4 | Auctorem fati crimina cuncta cadunt. |
| 5 | Errores istos incommoda multa sequuntur, |
| 6 | Quos vitare pium, sed numerare labor. |
| 7 | Exaequat culpas poenaque coaequat eadem |
| 8 | Stoicus, at contra pagina sacra facit. |
| 9 | In multis igitur legi consentit et idem |
| 10 | Adversus legem multa docere solet. |
| 11 | Dogma fides recipit, nisi lex manifesta repugnet, |
| 12 | Vel ratio potior hoc reprobare queat. |