Ioannes Saresberiensis, Entheticus, XXV De ordine discendi.
| 1 | Grammaticam sequitur diasyrtica, synthesis illam, |
| 2 | Lexis eam, rhesis posteriore gradu. |
| 3 | His gradibus crescens facundia possidet arcem |
| 4 | Et varias artes absque labore docet. |
| 5 | Eloquii si quis perfecte noverit artem, |
| 6 | Quodlibet apponas dogma, peritus erit. |
| 7 | Transit ab his tandem studiis operosa iuventus |
| 8 | Pergit et in varias philosophando vias, |
| 9 | Quae tamen ad finem tendunt concorditer unum, |
| 10 | Unum namque caput philosophia gerit. |
| 11 | Rerum naturas scrutantur, quid sit honestum |
| 12 | Undeque proveniat vita beata sibi, |
| 13 | Inspiciunt vires et stricti iuris et aeque, |
| 14 | Sanis aut aegris quid medicina valet. |