Ioannes Saresberiensis, Entheticus, XXIV De more antiquitus philosophantium.
| 1 | Cur procul a nobis sit patrum secta priorum, |
| 2 | Absolvam paucis: est operosa nimis.» |
| 3 | Multa legunt et multa docent prohibentque vagari |
| 4 | Discipulos, urgent scire, vel esse domi, |
| 5 | Ingenii vires pensant, mensuraque cunctis |
| 6 | A doctore datur viribus apta suis. |
| 7 | Nullus adulatur doctorum, munera nullus |
| 8 | Donat, ut auditor illius esse velis. |
| 9 | Sed nec apud veteres confunditur ordo legendi, |
| 10 | Namque gradum proprium quaeque decenter habent: |