| 1 | Transit in amplexus Stilbontis Philologia, |
| 2 | Hocque pie fieri nostra Capella docet. |
| 3 | Mercurius verbi, rationis Philologia |
| 4 | Est nota, quae iungi Philosophia iubet. |
| 5 | Si genio verbi rationis suppetat usus, |
| 6 | Uxoris clarus dote maritus erit: |
| 7 | At sibi si ratio desit, prope nudus habetur, |
| 8 | Ut queat obscoenas vix operire nates. |
| 9 | Coniugium felix, cum naturae sociatur |
| 10 | Virtus, cui thalamus mens sapientis erit. |