Ioannes Saresberiensis, Entheticus, VI De Sertorianis.
| 1 | Ablactans nimium teneros Sertorius olim |
| 2 | Discipulos fertur sic docuisse suos: |
| 3 | Doctor enim iuvenum pretio compulsus et aere |
| 4 | Pro magno docuit munere scire nihil. |
| 5 | Haec schola sic iuvenes voluit iuvenescere semper, |
| 6 | Ut dedignentur nosse vel esse senes. |
| 7 | Et quamvis tueatur eam numerus Garamantum, |
| 8 | Quos audere monet fasque nefasque furor, |
| 9 | Quos gula, quos fastus captos servire coegit, |
| 10 | Quos transire Venus in sua castra facit, |
| 11 | Tu tamen armatus clypeo virtutis et ense, |
| 12 | Ut rabiem perimas, obvius ibis eis. |