monumenta.ch > Ausonius > 3. > SOLON. > HOMILIA XLIII. IN EODEM FESTO. Lectio sancti Evangelii secundum Lucam. > VIII. EXHORTATIO AD MODESTIAM. > I. > 11. > HOMILIA LXXXII. IN EODEM FESTO. Lectio sancti Evangelii secundum Lucam. > HOMILIA XXIX. IN NATIVITATE SS. APOSTOLORUM PHILIPPI ET IACOBI. Lectio libri Sapientiae. > HOMILIA XXXVI. IN INVENTIONE SANCTAE CRUCIS. Lectio Epistolae B. Pauli ad Galatas. > HOMILIA LIX. FERIA II POST PENTECOSTEN Lectio Actuum apostolorum. > 1. > V. ITEM. > 3. > 3. > HOMILIA XXXIX. FERIA VI. Lectio sancti Evangelii secundum Ioannem. > HOMILIA LI. IN EODEM FESTO. Lectio sancti Evangelii secundum Ioannem. > HOMILIA XXXV. IN EODEM FESTO. Lectio sancti Evangelii secundum Ioannem. > DESCRIPTIO EGREDIENTIS SPONSAE. > HOMILIA LIV. IN EODEM FESTO Lectio Ieremiae [Baruch > V. AVSONIVS THEONI. > 3. > HOMILIA LXXXI. DOMINICA III POST PENTECOSTEN. Lectio Epistolae B. Ioannis apostoli. > HOMILIA LXXXVIII. SABBATO IN DUODECIM LECTIONIBUS. Lectio Ioelis prophetae. > THALES. > 2. > HOMILIA LXXXVI. FERIA VI. Lectio Ioelis prophetae. > HOMILIA LXXXV. ITEM FERIA IV. Lectio sancti Evangelii secundum Lucam. > HOMILIA XCI. IN EODEM FESTO. Lectio libri Levitici. > IIII. AD FONTEM DANVVII IVSSV VALENTINIANI AVG. > HOMILIA LXVII. FERIA VI. Lectio Actuum apostolorum.
Hrabanus Maurus, Homiliae, II. HOMILIAE IN EVANGELIA ET EPISTOLAS., , HOMILIA LXVI. ITEM FERIA V. Lectio sancti Evangelii secundum Lucam. <<<     >>> HOMILIA LXVIII. ITEM FERIA VI. Lectio sancti Evangelii secundum Lucam.

Hrabanus Maurus, Homiliae, II. HOMILIAE IN EVANGELIA ET..., HOMILIA LXVII. FERIA VI. Lectio Actuum apostolorum.

1	In diebus illis aperiens Petrus os suum, dixit: Viri Israelitae, audite verba haec: Iesum Nazarenum, virum approbatum a Deo in vobis, virtutibus, et prodigiis, et signis, quae fecit per illum Deus in medio vestri, sicut vos scitis: hunc definito consilio et praescientia Dei traditum, per manus iniquorum affigentes interemistis, etc. Quasi doctus magister prius incredulos commissi reatus admonet, ut iusto timore compunctis consilium salutis postmodum opportunius impendat, ut quia scientibus legem loquitur, ipsum Christum esse qui a prophetis esset promissus ostendit, nec tamen hunc auctoritate sua Dei filium nominat, sed virum probatum, virum iustum, virum a mortuis suscitatum: non cum caeteris, atque communi resurrectione, id est, in finem saeculi dilata, sed tertia die celebrata, ut singularis et gloriosae resurrectionis assertio testimonium aeternae divinitatis acquireret.
2	Cum enim caeterorum corpora corruptioni probaret subesse post mortem, hunc utique, de quo dicitur: Non dabis sanctum tuum videre corruptionem, comprobat humanae fragilitatis expertem, probat etiam humanae conditionis merita supergressum: et ideo Deo magis quam hominibus conferendum; qualibus vero apud gentiles apostoli praedicationis utantur exordiis, in Cornelii Centurionis historia, et in sermone apostoli Pauli, Athenis habito, doceberis: Providebam Dominum coram me semper, quoniam a dextris est mihi ne commovear, et caetera: Veniens, inquit, in ea quae transeunt, non abstuli oculum ab eo qui semper manet.
3	Hoc providens, ut in eum post temporalia peracta recurrerem, quomodo favet mihi ut stabiliter in eo permaneam; et hoc quod peccatum non feci, nec dolus inventus est in ore meo, non humanitati sed divinitati ascribam; propter hoc et in cogitationibus meis iucunditas, et in verbis exsultatio, propter resurrectionem scilicet quia per eam liberatus est mundus, insuper et caro mea non deficiet in interitum, sed in spe resurrectionis obdormiet, quoniam neque animam meam inferis possidendam dabis, neque sanctificatum corpus per quod et alii sanctificandi sunt corrumpi patieris; quia notas mihi fecisti vias, quibus itur ad aeternitatem, in quibus post tristitiam passionis, adimplebis me laetitia cum vultu tuo.
4	Et ascendenti in coelis dabis delectationes in dextera tua usque in finem; quia neque derelictus in inferno, descendit quidem Christus secundum animam ad inferos, ut quibus oportuit, subveniret; sed non est derelictus in inferno, qui citissimo reditu corpus resurrecturum petivit.
5	Tertia videlicet die resurrexit a mortuis et quadragesima postea die ascendit in coelum, et sedet ad dexteram Dei patris omnipotentis, inde venturus iudicare vivos et mortuos et saeculum per ignem.

Hrabanus Maurus HOME