| 1 | Qui intrasti templum, pronus qui hanc sitis ad aram, Non spernas, lector, hunc titulum legere. |
| 2 | Nam hic tibi mox pandit tumulus sit cuius, et isthic Otgarii nomen factaque clara dabit, Pectore sub cuius regnans patientia victrix, Fluctibus in tantis anchora fixa fuit. |
| 3 | Felle carens, animo placidus, dulcedine pastus, Praesulis officium rite peregit ovans. |
| 4 | Quattuor hic lustra, binos complevit et annos, Moxque urgente die raptus ab orbe fuit. |
| 5 | Hunc meliore via credo ad coelestia vectum, Non premit urna rogi, sed tenet aula poli. |
| 6 | Rex regum Christus, huic laetus semper adesto, Et nobis clemens sis sine line Deus. |