| 1 | Qui intrastis templum, precibus qui implestis et ora, Discere non pigeat quis tumulo hoc iaceat. |
| 2 | Praesulis Haistulphi sita sunt hoc membra sepulcro, Pontificale suum qui bene gessit opus. |
| 3 | Bis senis urbem hanc pastor qui rexerat annis, Dogma et apostolicum protulit ore, manu. |
| 4 | Iustitiae custos, rectus patiensque, benignus, Fidus in eloquiis et pietate placens. |
| 5 | Lulli discipulus, successor rite Riculphi, Ambobus meritis non minor iste fuit. |
| 6 | Quis te, sancte Pater, cum Christo nesciat esse, Splendida quem tecum vita fuisse probat? |