Luctatio a laterum complexu, vocata, quibus cominus certantes innituntur: qui Graeca appellatione athletae vocantur. Nam et luctatio nostra spiritalis est, non carnalis: quia, teste Apostolo [Eph. VI], non est nobis colluctatio adversus carnem et sanguinem: sed adversus principes et potestates, adversus mundi rectores tenebrarum harum, contra spiritalia nequitiae in coelestibus.