| 1 | Saltus dictus, quasi exsilire in altum: est enim saltus altius exsilire vel longius. Saltus enim mystice profectum virtutum significat, ut est illud in Isaia: Tunc saliet claudus sicut cervus [Isa. XXXV]. Saltare totis viribus in Domino gaudere: sicut in libro Regum de David dicitur: Et saltavit coram arca Domini totis viribus [II Reg. VI]; et in aliam partem in Evangelio: Cantavimus vobis tibiis, et non saltastis [Luc. VII]. |