Hildegardis Abbatissa, Triginta Octo, 29

1	Cum Enoch [Gen. V] et Elias [IV Reg. II] in terreno paradiso corporaliter translati esse credantur, nunquid in loco tantae felicitatis corporeo cibo et indumento egere credendi sunt?
2	SOLUTIO
3	Deus in providentia sua de Enoch et Elia ordinaverat, quod in loco illo esse deberent, ubi nec cibo, nec potu, nec etiam vestitu indigerent, et sic omnis qui in miraculis Dei raptus fuerit, quandiu in illis moratur, istis quae mortalibus adsunt, non utitur.